വ്യവസായമന്ത്രി ഇ.പി.ജയരാജന് കോവിഡ് സ്ഥിരീകരിച്ചു. കണ്ണൂരിലെ വസതിയില്‍ നിരീക്ഷണത്തിലായിരുന്നു. നേരത്തെ ധനമന്ത്രി തോമസ് ഐസക്കിന് കോവിഡ് സ്ഥിരീകരിച്ചിരുന്നു.മന്ത്രിയെ പരിയാരം മെഡിക്കല്‍ കോളേജിലേക്ക് മാറ്റിയിരിക്കുകയാണ്.എവിടെ നിന്നാണ് രോഗം ബാധിച്ചതെന്ന് വ്യക്തമല്ല.
തോമസ് ഐസകിന് രോഗം സ്ഥിരീകരിച്ചതിന് പിന്നാലെ മുഖ്യമന്ത്രിയടക്കമുള്ളവര്‍ നിരീക്ഷണത്തിലായിരുന്നു. അതേസമയം മുഖ്യമന്ത്രി പിണറായി വിജയന്റെ കൊവിഡ് പരിശോധനാഫലം നെഗറ്റീവ് ആണ്.
രാജ്യത്ത് 64 ലക്ഷം പേര്‍ക്ക് രോഗം വന്നിരിക്കാമെന്ന് ഐസിഎംആര്‍. സിറോ സര്‍വേഫലം പുറത്തുവിട്ടു. ഇതില്‍, 18മുതല്‍ 45 വയസുള്ള 43.3% പേര്‍ക്കും 45 മുതല്‍ 60 വയസുള്ള 39.5ശതമാനം പേര്‍ക്കും രോഗം വന്നുവെന്നാണ് സര്‍വേയില്‍ സൂചിപ്പിക്കുന്നത്. 60നു മുകളില്‍ പ്രായമുള്ളവരില്‍ 17.2% പേര്‍ക്ക് രോഗംവന്നു. മേയ് 11നും ജൂണ്‍ നാലിനും ഇടയിലാണ് സര്‍വേ നടന്നത്.
