എറണാകുളം: കൊച്ചി മെട്രോ സർവീസ് പുനഃരാരംഭിച്ചു. നാലാംഘട്ട അൺലോക്കിൻ്റെ ഭാഗമായാണ് അഞ്ചര മാസത്തിന് ശേഷമാണ് കൊച്ചി മെട്രോ സർവീസ് വീണ്ടും തുടങ്ങിയത്. ആദ്യ രണ്ട് ദിവസം രാവിലെ ഏഴ് മണി മുതൽ രാത്രി എട്ട് മണിവരെ സർവീസ് ഉണ്ടാകും. എന്നാൽ ഉച്ചക്ക് ഒരു മണി മുതൽ രണ്ട് മണി വരെ സർവീസ് ഉണ്ടാകില്ല. പത്ത് മിനിറ്റ് ഇടവേളകളിലാണ് സർവീസ് നടത്തുക. ഞായറാഴ്‌ചകളിൽ രാവിലെ എട്ട് മുതലാണ് സർവീസ് തുടങ്ങുന്നത്. അതേസമയം കൊച്ചി മെട്രോയുടെ കുറഞ്ഞ യാത്രാ നിരക്കുകളും ഇന്ന് പ്രാബല്യത്തിൽ വന്നു.
